Muxtar respublikada həyata keçirilən məqsədyönlü islahatlar iqtisadiyyatın hərtərəfli inkişafını təmin edib. Sosial-iqtisadi yüksəliş bu gün, ilk növbədə, əhalinin gündəlik həyatında özünü qabarıq büruzə verir. İmzalanan fərman və sərəncamlar, qəbul edilən dövlət proqramları muxtar respublikanın sürətli inkişafını təmin edib, inkişaf mexanizminin daha da çevikliyinə nail olunub. Muxtar respublika rəhbərliyi tərəfindən əhalinin sosial müdafiə məsələləri də daim diqqət mərkəzində saxlanılır. Həssas qrup əhalinin sosial müdafiəsinin təşkili, sığorta-pensiya sistemi sahəsində göstərilən xidmətlərin təkmilləşdirilməsi sahəsində atılan addımlar çoxşaxəli sosial siyasətin təzahür formalarının yalnız bir hissəsidir.

   Ölkəmizdə sosial-iqtisadi sahədə həyata keçirilən uğurlu siyasət əhalinin, o cümlədən onun aztəminatlı təbəqəsinin etibarlı sosial müdafiəsini təmin edib, insanların həyat səviyyəsi davamlı olaraq yüksəlib, yoxsulluq səviyyəsi aşağı düşüb. Azərbaycan dövləti təqaüdçülər, əlillər, əmək qabiliyyətindən məhrum olanlar, eləcə də büdcədən sosial müavinətlər alanlar qarşısındakı sosial öhdəliklərini müvəffəqiyyətlə yerinə yetirir.

   Naxçıvan Muxtar Respublikası Ali Məclisinin Sədri Vasif Talıbov avqustun 4-də Naxçıvan Şəhər Kimya-Biologiya Təmayüllü Liseyin yaradılması haqqında Sərəncam imzalayıb:

      Sərəncamda deyilir:

   Naxçıvan Muxtar Respublikası Dövlət Sosial Müdafiə Fondunda keçirilən yığıncağı giriş sözü ilə açan Fondun sədri Əli Quliyev qeyd edib ki, cari ilin ilk yarısının nəticələrinin müzakirə olunduğu altıncı çağırış Naxçıvan Muxtar Respublikası Ali Məclisinin 21 iyul 2020-ci il tarixdə keçirilmiş üçüncü sessiyasında muxtar respublikanın sosial-iqtisadi inkişafı ilə bağlı Ali Məclisin Sədri cənab Vasif Talıbov tərəfindən aidiyyəti orqanlar qarşısında bir sıra mühüm vəzifə və tapşırıqlar qoyulmuşdur. Eyni zamanda Dövlət Sosial Müdafiə Fondu publik hüquqi şəxsinə də pensiya təyinatının qanunvericilikdə nəzərdə tutulmuş qaydada aparılması, əmək fəaliyyətinə yeni başlayan işçilərin fərdi uçot sistemində qeydiyyata alınması və sosial sığorta şəhadətnamələri ilə təmin olunması, elektron xidmətlərin əhatə dairəsinin genişləndirilməsi ilə bağlı müvafiq tapşırıqlar verilmişdir.